Iligan, Atong Syudad [Himugso Kolektibo, Zine 2020]

Ang maong zine, “Iligan Atong Siyudad”, usa ka pagsulay sa pipila ka batan-on ug sumusubol nga mga magsusulat sa Dakbayan sa Iligan sa paghatag og representasyon sa Iligan ngadto sa kinadak-ang kalibotan sa katitikan sa nasod. Usa kini ka akto sa pagpamalandong ug pagkaykay diha sa atong kinauyokan nga hunahuna ug pagbati kon unsa ba gyod ang “Iligan” para niining mga magsusulat nga mitampo aron mamugna ning maong zine. Gilangkoban kini sa pipila ka mga balak ug gumalaysay nga buot mangutana ug buot ibutang sa mikroskopyo aron masuta kon unsay nagpaka-Iligan sa Iligan ug ang nakaangkla nga kailahanan (o ang kakulangon) nga “Iliganon”. Usa kini ka matang sa pagsulay sa paghubad sa Iligan ngadto sa katitikanhong obra. 

Ang “Iligan Atong Siyudad” kay gipatik sa Himugso Kolektibo, ang nag-inusarang hugpong sa mga batan-on ug sumusubol nga mga magsusulat sa Dakbayan sa Iligan. Para sa mga mensahe ug mga pangutana mamahimo kamong mobisita sa https://www.facebook.com/himugso.kolektibo.9 o mag-email sa himugso.kolektibo@gmail.com.